Yavər Hüseynov: “Bakı idman sarayı mayın 1-dən yeniliklərlə fəaliyyətə başlayır”

Bakı idman sarayının yeni direktoru Əli Əsgərovun qərarı ilə, idman kompleksi may ayının 1-dən mühüm yeniliklərlə intensiv fəaliyyətə qədəm qoyur. Allsport.az saytı xəbər verir ki, bu günlərdə “Arpaçay” karate klubunun prezidenti Yavər Hüseynov (şəkildə sağda), gənclər və idman nazirliyinin nəzdində fəaliyyət göstərən artenaya idman şöbəsinin müdiri təyin edilib. O, yeni vəfifəsi ilə bağlı bunu deyib:

“Bakı idman sarayında müxtəlif idman növləri – karate-do, karate-kyokuşinkay, semi-kontakt, qocyu-ryu, kunq-fu-sanda, boks, cüdo, həndbol, voleybol, kinqboksinq, taekvondo, qaydasız döyüş (MMA), aykido, gimnastika, şahmat, müalicəvi gimnastika, akrobatika, rəqs üzrə qruplar, trenajor (fitnes) zalı fəaliyyətə başlayacaq. Bu günlərdə məşqçi heyətimizlə ilk görüşümüz keçirildi.

Bakı İdman Sarayında fəaliyyətə başlayacaq qrupların məşqçiləri ilə qarşıdakı işlərimiz haqqında müzakirələr apardıq. Məşqçilərimizin fikir və təkliflərini dinlədik. Ümid edirəm ki, yeni kollektivimizlə böyük uğurlara imza atacağıq. Beləliklə, Bakı idman sarayı mayın 1-dən yeniliklərlə müntəzəm fəaliyyətə başlayır”.