Yeniyetmə voleybolçular Türkiyədə təlim-məşq keçəcək

Qardaş ölkənin 16 yaşadək qızlardan ibarət millisi ilə birgə toplanışında olacaq komandamız dünən Anqaraya yola düşüb.

Allsport.az saytı xəbər verir ki, iyulun 18-ə kimi davam edəcək birgə hazırlıqla yanaşı, komandalar arasında yoxlama oyunları da təşkil olunacaq.

Yeniyetmə və gənc qızlardan ibarət milli komandaların rəhbəri Şahin Çatma paytaxta 16 idmançı ilə yollanıb. Bu voleybolçular düşərgələrdə fərqlənən 13-14 yaşlı qızlardır.

Toplanışda ona məşqçi Həmid Ənvəri kömək edəcək.