Yure Meqliç axırdan 2-ci oldu

Bu gün Rio-2016-da kanoe-slalomçular mübarizəni davam etdirirlər. Allsport.az saytı xəbər verir ki, Azərbaycan millisinin üzvü Yure Meqliç yarımfinal mərhələsində 1-nəfərlik kayak qayığı ilə 145.00 saniyə nəticə göstərib.

Yekun sıralamda 14-cü olan idmançımız finala yüksələ bilməyib. O, yalnız isveçli İsak Ohstromu qabaqlaya bilib. 15 kanoe-slalomçu arasında ilk 10-luqda yer alanla finalda çıxış edəcəklər.