“Yuventus”da ağır itki

“Yuventus”un hücumçusu Duşan Vlahoviç zədə səbəbindən qeyri-müəyyən müddətə sıradan çıxıb.

Allsport.az xəbər verir ki, serbiyalı futbolçu “Kalyari” ilə ev oyununun (2:1) ilk hissəsində xəsarət alıb.

İlkin müayinələrə görə, Vlahoviç ilin sonuna qədər meydana qayıda bilməyəcək. Bu o deməkdir ki, o, “Napoli” (7 dekabr), “Bolonya” (14 dekabr) və “Roma” (20 dekabr) ilə oyunları buraxacaq.

O, cari mövsüm ərzində 17 oyunda 6 qol vurub.