Zaur Həşimov: “Qapımıza cəmi 3 zərbə oldu və hər 3-ü qolla nəticələndi”

“ Komandamız bu gün xarakter göstərdi. Ardıcıl iki qol buraxdıq. Ən pisi odu ki, qolları mübarizəsiz buraxdıq”. Allsport.az saytı xəbər verir ki, bunu “Zirə”nin baş məşqçisi Zaur Həşimov deyib.

O, premyer liqasının 9-cu turunda “Sabah”la 2:2 heç-heçəni belə dəyərləndirib: “Qapımıza cəmi 3 zərbə oldu və hər 3-ü qolla nəticələndi. Düzdür, biri oyundan kənar vəziyyət olduğuna görə qeydə alınmadı.

İkinci hissədə meydanda tam fərqli “Zirə” oldu. Buna görə oyunçuları təbrik etdim”.