Zlatko Zahoviç: Bizim azarkeşlərimizlə hər şey mümkündür

Sloveniyanın “Maribor” klubunun idman direktoru Zlatko Zahoviç Avropa Liqasının pley-off mərhələsində “Qəbələ”yə qarşı keçirəcəkləri cavab oyunu öncəsi fikrini açıqlayıb. Allsport.az saytı xəbər verir ki, Bakıda 1:3 hesabı ilə məğlub olan Sloveniya klubunun rəsmisi iddialı danışıb:

“Zəif rəqib olmur. Avropa Liqasının pley-off mərhələsində isə ümumiyyətlə zəif rəqib dəqiq yoxdur. Mövsümün əvvəlində hara qədər irəliləyəcəyimizi bilmirdik. Amma hazırda Avroliqanın pley-off mərhələsindəyik.

Qrup mərhələsinə vəsiqə qazanmaq üçün də real şansımız var. Bizim azarkeşlərimizlə hər şey mümkündür. Onlar bizə əlavə güc və enerji verirlər. “Qəbələ”ni əsl cəhənnəm gözləyir”.