12 voleybolçu ilə hazırlıq

Qadın voleybolçulardan ibarət Azərbaycan yığması noyabrda Səudiyyə Ərəbistanının paytaxtı Ər-Riyadda keçiriləcək VI İslam həmrəyliyi oyunlarına hazırlıqlara başlayıb. 

Allsport.az xəbər verir ki, təlim-məşq toplanışı “Milli Aviasiya Akademiyası” voleybol klubunun idman zalında keçirilir.

Yığmamızın heyətinə 12 voleybolçu cəlb olunub. Hazırlıq prosesinə baş məşqçi Faiq Qarayev rəhbərlik edir və ona məşqçilər Famil Ağayev, Ziya Rəcəbov və Emin Əbilov kömək edirlər.
Komandamız qarşıdakı günlərdə bir neçə yoxlama oyunu keçirəcək.