2 güləşçimiz yarışla vidalaşdı

Azərbaycanın qadın güləşçiləri Şəhanə Nəzərova (50 kq) və Elnurə Məmmədova (55 kq) Serbiyanın paytaxtı Belqradda keçirilən U-23 dünya çempionatında mübarizəni dayandırıb.

Allsport.az xəbər verir ki, idmançıların məğlub olduqları rəqiblər finala vəsiqə qazana bilmədiyindən onlar təsəlliverici görüşlərə qatılmaq şansını itiriblər.

Nəzərova təsnifat mərhələsində Çin Taypeyindən olan Yunq Linə, Məmmədova isə 1/4 finalda türkiyəli Eda Tekinə uduzub.