Topaz Premyer Liqasında 27-ci tur rəqəmlərdə

Topaz Premyer Liqasında yaranan fasilə aprelin ilk günündə keçiriləcək 27-ci turun oyunları ilə başa çatacaq. Allsport.az xəbər verir ki, mövsümün 3-cü dövrəsinin son turunun qarşılaşmaları iki gün davam edəcək.

Bu turda “Qəbələ” meydana çıxmayacaq. Dövrəyə liderlər – “Qarabağ” və “İnter” arasında mərkəzi oyunla yekun vurulacaq. Peşəkar Futbol Liqasının rəsmi internet saytı isə üz-üzə gələcək cütlərin əvvəlki oyunlarının balansını təqdim edib.

Topaz Premyer Liqası
27-ci tur
1 aprel (çərşənbə)

131. “Xəzər Lənkəran” – “Sumqayıt” – 12 oyun, +6=4-2, top fərqi 20:12

Əvvəlki 12 oyunun yarısında “Xəzər Lənkəran” qələbə qazanıb. Son 3 qarşılaşmada “Sumqayıt” meydanı qolsuz tərk etməyib. Son 4 görüşdən 3-də qonaq olan tərəf qalib gəlib.

 134. “Neftçi” – “Bakı” – 48 oyun, +28=9-11, top fərqi 68:41

Son 3 paytaxt derbisində “Neftçi” qalib gəlib. “Bakı” səfərdə keçirdiyi son 3 görüşdə də xal qazana bilməyib. Eyni rəqib üzərində qələbə sayında (28) rekorda malik “Neftçi” 1 qol vursa, eyni komandayla görüşlərdə vurulan top sayında da rekordu təkrarlayacaq. Bu rekord “Neftçi”nin “Turan”a 69 qol vurmasıdır.

135. “Simurq” – AzAL – 24 oyun, +6=10-8, top fərqi 25:28

AzAL 9 oyundur “Simurq”a qalib gələ bilmir. Zaqatalada baş tutan son 3 qarşılaşmada qonaqlar qol da vura bilməyib.

2 aprel (cümə axşamı)

132. “Qarabağ” – “İnter” – 41 oyun, +18=14-9, top fərqi 46:26

Sonuncu dəfə 5 il əvvəl “Qarabağ”a qalib gələn “İnter” 17 oyundur rəqibini məğlub edə bilmir. Komandalar arasında son iki oyunda isə qapılara qol vurulmayıb. “Qarabağ” qalib gəlsə, “İnter”ə hamıdan çox məğlubiyyət (19) yaşadan “Neftçi”nin rekordunu təkrarlayacaq.