3 oyunluq qələbə seriyası pozuldu

“Spartak” KHL-in müntəzəm mövsümünün səfər matçında “Lokomotiv”ə uduzub.

Allsport.az xəbər verir ki, “qırmızı-ağlar” 1:2 hesabı ilə məğlub olub. Qaliblərin heyətində Danil But və İvan Çexoviç hərəyə bir qol vurub. Qonaqların yeganə qolunu Maksim Tsıplakov vurub.

“Spartak” ardıcıl 3 oyunluq qələbə seriyasını davam etdirə bilmədi, lakin komanda 47 xalla KHL qərb konfransı cədvəlinə başçılıq etməyə davam edir. “Lokomotiv”in isə 42 xalla 3-cü pillədə qərarlaşıb.