“3 xallıq atışlarımızın sayəsində hesabı öz xeyrimizə dəyişməyi bacardıq”

“Sabah” basketbol klubu Bakı idman sarayında ABL-in 6-cı turunda “Neftçi”ni 103:96 yenib. Allsport.az saytı xəbər verir ki, oyundan sonra “bayquşlar”ın baş məşqçisi Rimas Kurtinaytis bunu deyib:

“Oyun intensiv, maraqlı mübarizə şəraitində keçdi. Oyunun sonlarında 3 xallıq atışlarımızın sayəsində hesabı öz xeyrimizə dəyişməyi bacardıq. Rəqibi yaxşı mübarizəyə görə təbrik edirəm.

Hər iki komanda üçün avrokubok oyunu öncəsi yaxşı sınaq oldu. Komandamızın hesabda geridə olarkən nümayiş etdirdiyi xarakter, əzmi çox bəyəndim”.