850-ci qol

“Şamaxı” Azərbaycan çempionatlarında 850-ci qolunu vurub.

Allsport.az xəbər verir ki, bu, Azərbaycan premyer liqasının XXV turuna təsadüf edib. Ayxan Abbasovun rəhbərlik etdiyi kollektiv səfərdə “Səbail”ə 2:0 hesabı ilə qalib gəlib. 

Bu görüşdəki ilk qol bölgə təmsilçisi üçün yubiley xarakteri daşıyıb. 850-ci topun müəllifi Vasiliye Bakiç olub. Əvvəllər “Xəzər Universiteti”, “İnter” və “Keşlə” adlarını da daşıyan komanda 682-ci görüşdə bu göstəriciyə çatıb. Vurulan 851 qoldan 458-i evdə, 393-ü səfərdə qeydə alınıb.

“Şamaxı” bu göstəricidə yalnız “Qarabağ”, “Neftçi” və “Kəpəz”dən geri qalır.