Yeniyetmə şpaqaçılar medalsız qaldı

Yeniyetmə şpaqaçılarımız Slovakiya paytaxtı Bratislavada çıxışını başa vurub.

Allsport.az saytı xəbər verir ki, qızların şəxsi yarışında Nazilə Rəhimova və Xədicə Həsənli 300-ə yaxın iştirakçı arasında 64-lüyə kimi irəliləməyiblər.

Komanda mübarizəsində Alfiyə Abdinova, Nazilə Rəhimova və Xədicə Həsənli ABŞ komandasına 27:38 uduzub.

Oğlanların komanda yarışında Cəmil Hidayətov, Orxan Həsənli və Raul Aruslanov ilk görüşdə İtaliyanın 2-ci komandasına 22:45 məğlub olub.

Görüşləri idarə edən hakimlər arasında Samirə Hüseynova da olub.