Ad günündə medal qazandı

Serbiyanın Novi Sad şəhərində U-23 dünya çempionatı davam edir. Allsport.az xəbər verir ki, yarışın 6-cı günündə qadın güləşi üzrə mübarizəyə yekun vurulub.

Bu gün 18 yaşı tamam olan Günay Qurbanova (59 kq) millini medalsız qoymayıb. Perpsektivli güləşçimiz italiyalı Aurora Russoya “tuş”la qalib gələrək dünya 3-sü olub. 

İki sərbəst güləşçimiz isə fəxri kürsüyə qalxmaq şansını əldən verib. Məhəmməd-Bəşir-Xaniyev (74 kq) medalın bir addımlığında almaniyalı Manuel Vaqinə (4:8), Sadiq Mustafazadə (92 kq) isə təsəlliverici görüşdə özbəkistanlı Şirzad Poyonova (tuş) məğlub olub.