“Neftçi”ni 2800 manat cərimələyib

AFFA intizam komitəsinin iclası keçirilib. Allsport.az xəbər verir ki, iclasda premyer liqanın 15-ci turundakı qayda pozuntuları ilə bağlı qərarlar qəbul edilib.

“Araz-Naxçıvan” – “Turan Tovuz” oyununun 83-cü dəqiqəsində qonaq komandanın azarkeşləri tərəfindən hakimlərin ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə ilk dəfə yaşandığına görə, klubuna xəbərdarlıq edilib;

“Şamaxı” – “Kəpəz” oyununda Gəncə klubunun 4 futbolçusu sarı vərəqə aldığı üçün, 700 manat cərimələnib;

“Zirə” – “Sumqayıt” oyununda “kimyaçılar”ın 5 futbolçusu sarı vərəqə aldığına görə, 700 manat ziyana düşüb;

“Neftçi” – “Qarabağ” oyununda “ağ-qaralar”ın azarkeşləri tərəfindən meydançaya kənar əşya atıldığından, klub 800 manat cərimə edilib;

“Neftçi” azarkeşləri tərəfindən kütləvi şəkildə təhqiramiz ifadələr səsləndirildiyinə və bu hal cari mövsümdə ikinci dəfə yaşandığına görə, 500 manat cərimələnib;

“Neftçi” komandasının meydançaya gec çıxması səbəbindən gec başladığı üçün, klub 1500 manat əlavə ziyada düşüb;

“Qarabağ” azarkeşləri tərəfindən pirotexniki vasitədən istifadə edildiyinə görə, 1500 manat cərimə edilib;

“Qarabağ” azarkeşləri tərəfindən kütləvi şəkildə təhqiramiz ifadələr səsləndirildiyinə və bu hal cari mövsümdə ilk dəfə yaşandığından, kluba xəbərdarlıq edilib.