Ağakişi qardaşlarına növbəti təyinat

Beynəlxalq dərəcəli həndbol hakimləri Emil və Ernest Ağakişi qardaşları növbəti təyinat alıblar.

Allsport.az xəbər verir ki, həmyerlilərimiz kişilər arasında Avropa kubokunun üçüncü mərhələsinin “Nilüfər Bələdiyyəspor” (Türkiyə)- “Red Boys”(Lüksemburq) matçında ədaləti təmsil edəcəklər.

Qarşılaşmada Avropa həndbol federasiyasının (EHF) nümayəndəsi yunanıstanlı Konstantinos Katsikis olacaq.

Görüş noyabrın 16-da Bursa şəhərinin “Nilüfər Bələdiyyə” idman kompleksində keçiriləcək.