AMAF-ın baş katibi: İlin ilk beynəlxalq yarışı apreldə nəzərdə tutulub

“Cari ildə Mingəçevirdə akademik avarçəkmə və kanoe üzrə iki beynəlxalq turnir keçiriləcək. İlk beynəlxalq yarış apreldə nəzərdə tutulub. 2-ci yarışın isə oktyabrda təşkil olunması planlaşdırılır. Yerli yarışların da keçirilməsi başlıca məsələlər arasındadır”.

Allsport.az saytı xəbər verir ki, bunu AMAF-ın baş katibi Fərhad Əliyev jurnalistlərə müsahibəsində deyib. O, “Kür” olimpiya tədris mərkəzində millinin hazırlığa başladığını deyib:

“İdmançılarımız məşqləri mütəmadi davam etdirirlər. “Gənclər kuboku”ndan və apreldə keçiriləcək beynəlxalq turnirdən sonra millimizin heyəti tam formalaşdırılacaq. Azərbaycan beynəlxalq turnirdə həmin komanda ilə təmsil olunacaq”.