Arif Abdullayevin komandası dünya birinciliyində komanda hesabında 3-cü olub

Tiflisdə yeniyetmələrin dünya birinciliyi başa çatıb. Allsport.az saytı xəbər verir ki, son 2 yarış günündə sərbəst güləşçilər arasında qaliblər müəyyənləşib. Böyük məşqçi Arif Abdullayev və məşqçi Rövşən Umudovun rəhbərliyi ilə mübarizə aparan millimiz 1 qızıl, 1 gümüş və 2 bürünc medal qazanıb.

Əbubəkr Abakarov (69 kq) 1-ci, Mahir Məmmədzadə (42 kq) 2-ci, İnal Jopua (63 kq) və Əshab Həmzətov (100 kq) 3-cü olublar.

Komanda hesabında 47 xal toplayan yığmamız dünya birinciliyini 3-cü sırada tamamlayıb. Rusiya (69 xal) 1-ci, ABŞ (67 xal) kollektvi 2-ci pilləni tutub.