Aslan Ağayevlə Rövşən Umudovun komandası Ədirnədə təlim-məşq keçir

Qadın güləşçilərdən ibarət yığmamız Türkiyədə növbəti təlim-məşq toplanışına start verib. Allsport.az saytı xəbər verir ki, milli bu dəfə Ədirnədə hazırlıq keçir. Fevralın 20-də start götürən toplanış martın 4-dək davam edəcək.

Baş məşqçi Aslan Ağayev və məşqçi Rövşən Umudovun rəhbərliyi altında heyətdə Türkan Nəsirova, Şahanə Nəzərova (hər ikisi 50 kq), Tatyana Varansova (53 kq), Alyona Kolesnik (57 kq), Tatyana Omelçenko, Elmira Qəmbərova (hər ikisi 62 kq), İrina Netreba, Elis Manolova (hər ikisi 65 kq), Ceyla Nağızadə (68 kq) və Səbirə Əliyeva (76 kq) yer alıb. 

Həm fiziki, həm də taktiki-texniki hazırlıq üzərində çalışacaq yığmamız Türkiyə, Monqolustan və Hindistan güləşçiləri ilə birgə toplanış keçir.