Avarçəkmə üzrə açıq Bakı çempionatı

Bakı bulvarında Azərbaycan kanoe və avarçəkmə federasiyasının binasının qarşısında təşkil olunan yarışda paytaxtla yanaşı, Mingəçevirdən olan yeniyetmə və gənc idmançılar müxtəlif yaş kateqoriyalarında çıxış ediblər.

Allsport.az saytı xəbər verir ki, avarçəkənlər kayak və kanoe növlərində 200, 500 metr məsafədə 1 və 2-yerlik qayıqlarda, akademik növdə isə 500 metr məsafədə yalnız 1-nəfərlik qayıqda mübarizə aparıblar.

Maraqlı mübarizə şəraitində keçən açıq Bakı çempionatında qalib gələn idmançılar medal və diplomla mükafatlandırılıb.