Azərbaycan – Malta matçı türkiyəli hakimlərə tapşırıldı

AÇ-2016-nın seçmə mərhələsi çərçivəsində keçiriləcək Azərbaycan – Malta matçının hakimləri açıqlanıb. Allsport.az xəbər verir ki, Bakıda baş tutacaq görüşü türkiyəli hakimlər briqadası idarə edəcəklər.

Baş hakim Halis Özkahya təyin olunub. Ona Cem Salmanla Ekrem Kan yardım edəcək. Dördüncü hakim funksiyasını Kamal Yılmaz həyata keçirəcək. Əlavə hakim köməkçiləri isə Mete Kalkavanla Tolqa Özkalfa olacaq.

Qeyd edək ki, Azərbaycan – Malta matçı martın 28-də keçiriləcək.