Azərbaycan Rusiyaya da qalib gəldi

17 yaşadək futbolçulardan ibarət Azərbaycan yığması Qazaxıstanın paytaxtı Astana şəhərində təşkil olunmuş “Prezident kuboku” turnirində bu gün ikinci oyununu keçirib. Allsport.az xəbər verir ki, yığmamız “Astana Arena”da Rusiya-2 komandası ilə qarşılaşıb.

Bu görüş də millimiz üçün uğurlu alınıb. Nəticədə, komandamız 1:0 hesabıyla qalib gəlib. Qələbə topunu 10-cu dəqiqədə Öksüz Doğukan vurub.

Xatırladaq ki, futbolçularımız iyunun 22-də keçirilmiş ilk oyunda Belarus komandasına 3:1 hesabı ilə qalib gəlmişdi.