Azərbaycan bahadırları ilə firənglər arasında dostluq görüşü

4 dekabrda Parisdə Azərbaycan və Fransa güləşçiləri arasında dostluq görüşü keçiriləcək. Allsport.az xəbər verir ki, bu qarşılaşma cari ilin may ayında AGF prezidenti Fazil Məmmədovun fransalı həmkarı Alain Bertoloma qonaq olarkən razılaşdırılıb.

Yoldaşlıq görüşünün əhəmiyyəti həm də ondan ibarətdir ki, bu yarış gələn il keçiriləcək Avropa Oyunları üçün test xarakteri daşıyır. Hər üç növdə güləşçilərin iştirak edəcəyi Dostluq görüşü iki ölkənin güləş federasiyaları, eləcə də Azərbaycanın Fransadakı səfirliyinin birgə təşkilatçılığı ilə Parisin ən məşhur saraylarından biri olan Qış sirkində baş tutacaq.

Ümumilikdə, 10 güləşçinin iştirak edəcəyi mübarizədə 3 sərbəst, 3 yunan-Roma və 4 çəki dərəcəsində qadın güləşçilər yarışacaq.