“Bakı” İbrahim Uzuncanı Novruz Əzimovla əvəzlədi

Futbol üzrə Azərbaycan Premyer Liqasını tərk edən “Bakı” baş məşqçi İbrahim Uzuncayla yollarını ayırıb. Allsport.az xəbər verir ki, rəhbərlik başa çatan müqavilənin müddətini artırmaq istəməyib.

Artıq komandanın yeni baş məşqçisi də məlumdur. Bundan sonra komandaya Novruz Əzimov rəhbərlik edəcək.

Qeyd edək ki, yeni mövsümdə “Bakı”da legioner futbolçular olmayacaq. Klubun Premyer Liqa və ya birinci divizionda çıxış edəcəyi hələ dəqiqləşməyib.