“Barselona” “Aston Villa”nın hücumçusunu transfer edir?

“Barselona” “Aston Villa”nın hücumçusu Con Duranın agenti ilə görüş keçirib.

Allsport.az xəbər verir ki, Kataloniya klubu 21 yaşlı futbolçunun nümayəndəsindən onun haqda ilkin məlumatlar alıb.

“Barsa” hazırda yalnız mümkün keçidin məbləğini araşdırır. Transferin mümkünlüyü ilə bağlı müzakirələr komandanın növbəti mövsümün əvvəlində olacaq.

Duranın bazar dəyəri 40 milyon avrodur və onun “Aston Villa” ilə müqaviləsi 2030-cu ilə qədərdir. O, cari mövsüm 26 oyunda meydana çıxıb və 12 qol vurub.