“Barselona” seçimini gürcüyə tərəf etdi

“Barselona” “Napoli”nin hücumçusu Xviça Kvaratsxeliyanı transfer etmək qərarına gəlib.

Allsport.az xəbər verir ki, Kataloniya təmsilçisinin rəhbərliyi sol cinah hücumçusu mövqeyini gürcü futbolçuyla gücləndirməyi zəruri hesab edir.

“Barsa” daha əvvəl “Milan”dan Rafael Leao ilə də maraqlansa da, Xviçanın keçidinin daha məqsədəuyğun olacağına inanırlar.

Kvaratsxeliya 2022-ci ilin yayından “Napoli”də çıxış edir. 23 yaşlı oyunçunun klubla hazırkı müqaviləsi 2027-ci ilin iyunun sonuna kimidir. O, bu mövsüm 16 matçda iştirak edib, 5 qol vurub və 3 məhsuldar ötürmə edib.