Basketbol üzrə millilərin reytinqi

Basketbol üzrə kişilərdən ibarət milli komandaların dünya reytinqi təqdim olunub. Allsport.az xəbər verir ki, ilk 20-likdə heç bir ciddi dəyişiklik baş verməyib.

İspaniya ötən ilin noyabrında qazandığı zirvəni qorumağa davam edir. ABŞ reytinq yaradılan 2010-cu ildən bəri ilk dəfə liderliyini itirib.

Top-20-də yeganə dəyişiklik komandanın dünya çempionatına daxil olması səbəbindən Porto-Rikonun 21-ci yerdən 20-ci yerə yüksəlməsi olub.

Hər iki komanda müvəqqəti olaraq beynəlxalq yarışlardan kənarlaşdırıldığı üçün Rusiya və Belarus siyahıda yoxdur.