Belaruslu güləşçi: Mariya Stadnik Las-Veqasda qumar oynayıb

“Las-Veqasda dünya çempionatında olarkən, orda çoxsaylı kazino gördüm. Demək olar ki, hər oteldə ruletka, avtomat və kart oyunları var. Özü də bunu təkcə kişilər deyil, qadınlar da oynayır”. Allsport.az saytı apasport.az-a istinadən məlumatına görə, bunu belaruslu güləşçi Mariya Mamoşuk açıqlayıb. Rio olimpiadasında 63 kq-da gümüş medal qazanan idmançı vətənində verdiyi müsahibədə həmkarlarının qumara meylli olmasından danışıb.

Maraqlıdı ki, o, güləşçilər arasında yalnız millimizin tanınmış üzvü Mariya Stadnikin adını açıqlayıb: “Las-Veqasda belə bir səhnənin şahidi oldum ki, əsa ilə gəzən qoca da ağzında siqaret avtomatın düymələrini döyəcləyirdi. Həmin vaxt əksər güləşçilər kazinoda oynayırdı.

Azərbaycandan olan tanışım Mariya Stadnik 300 və ya 400 dollar udmağı da bacardı. Mən də bəxtimi sınadım. Rusletka və avtomatda oynadım, amma bəxtim gətirmədi. 15 dollar uduzub, oranı tərk etdim. Bu da bəsim idi”. Xatırladaq ki, Las-Veqas-2015-də Mariya Stadnik (48 kq) finalda uduzub.