“Bizim üçün üzücü oyun oldu”

“Kəpəz”in baş məşqçisi Azər Bağırov “Zirə”ilə oyundan sonra mətbuat konfransında iştirak edib. Allsport.az xəbər verir ki, o, 0:4 hesabı ilə yenildikləri görüş haqda bunu deyib:

“Oyuna yaxşı başladıq. İlk dəqiqələrdən hakim qərarsızlığı oyunumuza yaxşı təsir göstərmədi. Ehtiram Şahverdiyev ilə bağlı epizodu nəzərdə tuturam. Ona qarşı mübarizədə qayda pozulmuşdu. Əks-hücumlarda top buraxdıq. Özümüz də bu gün ən azı iki qol vurmalı idik. Orxan Əliyevin yüz faizlik qol vəziyyətləri oldu. Amma istifadə edə bilmədi. Bizim üçün üzücü oyun oldu. Çünki görüşə yaxşı hazırlamışdıq. Rəqibi təbrik edirəm. “Zirə” yaxşı komandadır. Bu kollektiv artıq dördüncü ildir bir yerdə oynayan futbolçulardan təşkil olunub”.