“Bu matç barədə çox danışmaq çətindir”

Azərbaycan premyer liqasının XX turunun “Sabah” – “Sumqayıt” görüşündən (0:0) sonra meydan sahibi komandanın baş məşqçisi Vasili Berezutskinin mətbuat konfransı keçirilib.

Allsport.az xəbər verir ki, rusiyalı çalışdırıcı matça belə qiymət verib:

“Bu matç barədə çox danışmaq çətindir. Yaxşı oynadıq, oyuna nəzarət, topa nəzarət bizdə idi, çoxlu qol imkanları yaratdıq. Buna baxmayaraq, qol fürsətlərindən istifadə edə bilmədik. Bunun üzərində çalışmalıyıq”.