Cəmşid Xeyrabadi Arazın o tayına əsas heyəti aparmayacaq

Mayın 21-22-də İranın Şiraz şəhərində yunan-Roma güləşi üzrə dünya kuboku keçiriləcək. Allsport.az saytı xəbər verir ki, “B” qrupunda İran, Türkiyə və Ukrayna ilə qarşılaşacaq millimiz ötən il qazandığı titulu qorumaq iddiasında deyil.

Hazırda ölkəsində olan Cəmşid Xeyrabadi bu dəfə en yarışa əsas heyəti aparmayacaq. Əsas komanda olimpiya proqramına uyğun hazırlığını davam etdirəcək. Şirazda isə millimizin 2-ci, 3-cü “nömrələr”i mübarizə aparacaq.