“Çətin amma əla qələbə oldu”

“Liverpul”un baş məşqçisi Arne Slot premyer liqanın 18-ci turunun “Lester”lə ev oyununda (3:1) komandasının çıxışından danışıb.

Allsport.az xəbər verir ki, niderlandlı mütəxəssis oyunçularından razı qaldığını deyib:

“Birinci hissədəki çıxışımızdan razı qaldım. Cəmi bir epizodda səhv etdik və o dəqiqə qol buraxdıq.

Hesab bərabərləşəndən sonra komandamın qol vurmaq üçün etdiyi hücumları bəyəndim. Çətin amma əla qələbə oldu”.

“Liverpul” 17 oyundan 42 xalla İngiltərə çempionatının turnir cədvəlinə başçılıq edir.