Cavanşir Qurbanov: Uğurlarımızda məşqçi əməyi danılmazdır

«Güləşçilərimiz bu il də uğurlu nəticələr qazanqılar. Təbii ki, burada məşqçi əməyini xüsusi qeyd etmək lazımdır». Allsport.az saytı xəbər verir ki, bunu dünən Bakı Biznes Mərkəzində AGF-in ilin yekunlarına həsr olunmuş tədbirdə vitse-prezident Cavanşir Qurbanov dedi.

Onun sözünə görə, hazırda ölkəmizdə gənc mütəxəssislər yetişir və onlara yeni fəaliyyətlərində dəstək vermək lazımdır: «Azərbaycan güləş ölkəsidir. Zaman-zaman dünyaya adlı-sanlı pəhləvanlarımızla səs salmışıq. Sevindirici haldır ki, güləşimiz indi də yüksək nöqtədədir. Böyük uğurlarımızda məşqçilərimizin rolu danılmazdır».