“Çox istərdim ki, gələcəkdə olimpiya oyunlarında üzgüçülüklə də medal olsun”

Bu gün “Hilton” mehmanxanasında Azərbaycan üzgüçülük federasiyasının konfransı keçirildi. Allsport.az saytının məlumatına görə, strategiya və yeniliklərin təqdimatında gənclər və idman naziri Fərid Qayıbov çıxış etdi:

“Strategiya olmasa, iş də bəlli olmaz. Hər bir sahədə məqsəd öncədən müəyyənləşməlidir. Nazirlik bu məsələdə dəstəyini əsirgəməyəcək. Bizim “Kürü keçək” layihəmiz çox uğurlu alınıb. Hər il iştirakçıların sayı birə-beş artıb.

Azərbaycanda aparıcı idman növləri var. Çox istərdim ki, gələcəkdə olimpiya oyunlarında üzgüçülüklə də medal olsun. Ölkə başçısı İlham Əliyevin ən çox sevdiyi idman növü üzgüçülükdür”.