Dağ xizəyi üzrə yarışlar Azərbaycanda

Qış idman növləri federasiyası tərəfindən 2023-cü ilin aprel ayında beynəlxalq xizək federasiyasına (FIS) ünvanlanan müraciətə əsasən “Şahdağ” turizm mərkəzində aparılan yamacların homoloqasiya prosesi (yoxlanışdan keçmə) başa çatıb.

Allsport.az xəbər verir ki, FİS-in təyin etdiyi ekspertlər tərəfindən həyata keçirilən prosedurların nəticəsində “Şahdağ” turizm mərkəzinə FİS tərəfindən homologasiya sertifikatı təqdim edilib.

Sertifikata əsasən Şahdağ turizm mərkəzinə dağ xizəyinin slalom, giqant slalom və super “G” növü üzrə beynəlxalq yarışların keçirilməsi hüququ verilib.