Dağıstanda dəfn olundu

Sərbəst güləş üzrə üçqat olimpiya çempionu Buvaysar Saitiyev bu gün Dağıstan respublikasının Novokuli kəndində dəfn edilib.

Allsport.az xəbər verir ki, vida mərasimində bir neçə min insan iştirak edib. İdmançılar, dövlət rəsmiləri, deputatlar, ictimai xadimlər, Çeçenistan və Dağıstan sakinləri vidalaşmaq üçün qəbiristanlığa gəliblər.

Saitiyev bazar günü, martın 2-də vəfat edib. 49 yaşlı idmançının ürəyində problem var idi.