Daha 4 yoxlama oyunu

“Qəbələ” yeni mövsümə hazırlığını davam etdirir. Allsport.az saytı xəbər verir ki, “Zaqatala” ilə yoxlama oyunundan sonra 2 günlük istirahətə buraxılan komanda sabah yenidən bir araya gələcək. 2-ci mərhələyə günün 2-ci yarısında məşqlə start veriləcək.

Qəbələ şəhər stadionunda toplanışda daha 4 yoxlama oyunu baş tutacaq. “Qəbələ” avqustun 16-da “Cəbrayil”, 19-da “Mingəçevir”lə üz-üzə gələcək. Digər 2 matç ayın 24-də və 28-də keçiriləcək. Bu yoxlama oyunlarında rəqib hələ məlum deyil.

“Qırmızı-qaralar” mövsümlərarası dövrdə artıq 2görüş keçirib. Küveytin “Əl-Yarmuk” klubu ilə 2:2 edib, “Zaqatala”ya 2:0 qalib gəlib.