Daşkənddə yarışacaq cüdoçular

Beynəlxalq cüdo federasiyasının təqviminə əsasən, 27 fevral – 1 martda Özbəkistanın paytaxtı Daşkənddə “Böyük dəbilqə” turniri keçiriləcək.

Allsport.az xəbər verir ki, Azərbaycan nüfuzlu yarışda kişilərdən ibarət milli komandanın baş məşqçisi Riçard Trautman, böyük məşqçilər – Elçin İsmayılov, Robert Kravçik; qadınlardan ibarət yığmanın baş məşqçisi Əminə Əbdullətif və məşqçi İmarverdi Məmmədovun başçılığı altında 12 çəki dərəcəsində 19 cüdoçu (12 kişi, 7 qadın) ilə təmsil olunacaq.

Üç gün davam edəcək turnirdə 40 ölkədən 380 idmançı (213 kişi, 167 qadın) mübarizə aparacaq.

Dünya turu seriyasında keçirilən yarışda Azərbaycan cüdo federasiyasının hakimlər heyətinin üzvü “A” kateqoriyalı beynəlxalq dərəcəli hakim Nazim Umbayev ədalət təmsilçiləri arasında yer alacaq.

Heyəti təqdim edirik:

Kişilər

60 kq

Əhməd Yusifov

Balabəy Ağayev

66 kq

Nizami İmranov

Turan Bayramov

73 kq

Kamran Süleymanov

Hidayət Heydərov

81 kq

Ömər Rəcəbli

90 kq

Murad Fətiyev

100 kq

Səlim Kotsoyev

Əjdər Bağırov

+100 kq

Camal Həmzətxanov

Kənan Nəsibov

Qadınlar

48 kq

Könül Əliyeva

Şəfəq Həmidova

52 kq

Aydan Vəliyeva

Leyla Əliyeva

63 kq

Fidan Əlizadə

70 kq

Südabə Ağayeva

+78 kq

Mədinə Kaisinova