Mahir 3 ay sonra meydana çıxdı

“Kayzerslautern”in hücumçusu Mahir Əmrəli uzunmüddətli fasilədən sonra yaşıl meydana dönüb.

Allsport.az xəbər verir ki, 28 yaşlı futbolçu II bundesliqanın XXIII turu çərçivəsində keçirilən “Proyssen Münster” ilə səfər qarşılaşmasında iştirak edib.

Komandasının 3:2 hesablı qələbəsi ilə başa çatan matçda, həmyerlimiz, görüşün 88-ci dəqiqəsində Naatan Skittanın yerinə meydana daxil olub.

Mahir Əmrəli uzun müddətdir zədədən əziyyət çəkirdi. O, sonuncu dəfə ötən il noyabrın 8-də fürsət qazanmışdı.