De Bruyne İspaniya nəhənginə keçə bilər

“Mançester Siti”nin yarımmüdafiəçisi Kevin de Bruyne İngiltərə klubundan ayrılmaq qərarına gəlib.

Allsport.az xəbər verir ki, belçikalı ulduz “şəhərlilər”lə mövsümün sonunda bitəcək müqaviləsini yeniləmək fikrində deyil. O, Səudiyyə klublarının böyük marağındadır, lakin 33 yaşlı futbolçunun özü Avropada qalmaq istəyir. “Barselona” bundan yararlanmağa hazırdır və ona gələn yay müqavilə təklif edəcək. Kevinin özü də Hans-Diter Flikin rəhbərliyi altında oynamaqda maraqlıdır.

De Bruyne bu mövsüm 11 oyun keçirib, 1 qol vurub və 1 məhsuldar ötürmə edib.