Dövlət qurumları arasında avarçəkmə yarışı

Gənclər və idman nazirliyi ilə kanoe və avarçəkmə federasiyasının (AKAF) birgə təşkilatçılığı ilə dövlət qurumlarının əməkdaşları arasında yarış keçiriləcək.

Allsport.az saytı xəbər verir ki, 29 sentyabrda bulvar ərazisində AKAF-ın binasının qarşısında iştirakçılar fərdi və komanda şəklində olmaqla, 1 və 2-nəfərlik kayak qayıqlarında 200 metr məsafədə mübarizə aparacaqlar.

Sentyabrın 28-i saat 10:00-dan 15:00-dək komandaların ümumi məşqi keçiriləcək. Sentyabrın 29-u saat 10:00-da yarışın rəsmi açılış mərasimi başlayacaq. 11:30-dan etibarən isə yarış start götürəcək.

Qaliblər medal, diplom və hədiyyələrlə təltif ediləcəklər.