Dünya birinciliyində yalnız “Cəngi”nin güləşçiləri fərqlənib – onlar Vətəndə cələnglə qarşılanıb

Xəbər verdiyimiz kimi, Finlandiyanın Tampere şəhərində gənc güləşçilərin dünya birinciliyi keçirilib. Bu yarışda yunan-Roma güləçində millimiz 2 bürünc medal qazanıb. Hər 2 mükafata “Cəngi” güləş klubunun yetirmələri Namaz Rüstəmov (66 kq) və Nəsir Həsənov (74 kq) sahib çıxıblar.

Allsport.az saytının xəbər verir ki, dünən idmançılarımız Vətənə dönüblər. Titullu bahadırlarımızı Heydər Əliyev adına beynəlxalq hava limanında “Cəngi”nin sədri, bu günlərdə 52 yaşını qeyd edən Hicran Şərifov, 2-ci dərəcəli beynəlxalq hakim Zaur Şərifov, məşqçilər və idmançıların yaxınları qarşılayıblar.