“Dünya çempionatında da uğurlu çıxış etməyə çalışacağıq”

Serbiyanın Novı Sad şəhərində U-17 Avropa çempionatında komanda hesabında 1-ci yeri tutan yunan-Roma güləşçilər vətənə qayıdıb. Allsport.az saytı xəbər verir ki, Heydər Əliyev beynəlxalq aeroportunda son 4 ildə 3-cü dəfə Avropa çempionu olan millimizi təntənəli qarşılayıblar. Böyük məşqçi Taleh İsrafilov bunu deyib:

“Qitə birinciliyində 9 medal qazandıq. 3 qızıl, 2 gümüş və 4 bürünc medal əldə etdik. Komanda hesabında çempion olduq. İkinci pillədəki Ermənistanı həm medalların əyarında, həm də 51 xal fərqiylə qabaqladıq.

2021 və 2022-ci illərdə olduğu kimi, bu dəfə də Avropa çempionu olduq. Allah uşaqların əziyyətinin bəhrəsini verdi. İşimizin nəticəsini gördük. Dünya çempionatında da uğurlu çıxış etməyə çalışacağıq”.