Dünya çempionatından 8 medalla qayıdırlar

Albaniyanın paytaxtı Tiranada keçirilən U-23 dünya çempionatında güləşçilərimiz 2 qızıl, 3 gümüş və 3 bürünc medal qazanıblar.

Allsport.az xəbər verir ki, Jalə Əliyeva tarixi uğura imza ataraq, Azərbaycan qadın güləşində U-23 dünya çempionu olan ilk idmançımız ünvanına sahib çıxıb. Bu yarışda, həmçinin, Məhəmmədbəşir Xaniyev qızıl, Rəşad Məmmədov, Ruslan Abdullayev və Arseni Cioyev gümüş, Nihad Quluzadə, Xasay Həsənli və Cəbrayıl Hacıyev bürünc medal qazanıblar.

Böyüklər kateqoriyasına keçid dövründə qazanılmış bu nailiyyətlər gələcək perspektivlərdən xəbər verir və növbəti yarışlarda da uğurlu nəticələrə inam yaradır.