Dünya kubokunda üçüncü oldu

Paragüllə atıcımız Kamran Zeynalovdan dünya kubokunda bürünc medal qazanıb.

Allsport.az xəbər verir ki, paragüllə atıcımız Kamran Zeynalov birləşmiş ərəb əmirliklərinin (BƏƏ) Əl-Əyn şəhərində keçirilən dünya kubokunda 10 metr məsafəyə pnevmatik tapançadan atəş açmada (P1) 215 xalla bürünc medal qazanıb.

Noyabr ayının 5-i yekun vurulacaq yarışda idmançımız 50 metr (P4) və 10 metr üzrə qarışıq komanda (P6) yarışlarında da mübarizə aparacaq.

Paralimpiyaçımız ötən ay Avropa çempionatında 1 qızıl, 2 gümüş medal qazanmışdı.