Fərid Mansurov: Ölkə başçısı bədən tərbiyəsi və idmana hər zaman diqqət və qayğı göstərir

Güləş

11 yanvar 2017 / 21:30 Baxış sayı: 2769

Bakı İdman Sarayında güləş üzrə Azərbaycan çempionatında ilk günün nəticələri bilinib. Allsport.az saytı xəbər verir ki, bu mübarizə günündə 57, 61, 65, 70, 74 kq-da “sərbəstlər”də 163 pəhləvan öz aralarında ən güclüləri müəyyənləşdiriblər.

Çempionatın açılış mərasimində Gənclər və İdman Nazirliyinin idman şöbəsinin müdiri, Olimpiya və ikiqat Dünya çempionu Fərid Mansurov çıxış edərək Azərbaycan prezidenti İlham Əliyevin ölkəmizdə bədən tərbiyəsinə və idmana, o cümlədən güləşə göstərdiyi diqqət və qayğıdan, habelə idmançılarımızın beynəlxalq yarışlarda qazandıqları uğurlardan söhbət açıb.

Azərbaycan Güləş Federasiyasının vitse-prezidenti Elçin Cəfərov bildirib ki, ölkəmizin beynəlxalq Olimpiya hərəkatında fəal iştirakı, idmançılarımızın qazandıqları yüksək nəticələr respublikamızın yalnız idman sahəsində potensial imkanının deyil, həm də dövlət qayğısının göstəriciləridir. Azərbaycanda idmanın inkişafı ümummilli lider Heydər Əliyevin adı ilə bağlıdır. Hazırda ümummilli liderin siyasəti dövlətimizin başçısı, Milli Olimpiya Komitəsinin prezidenti İlham Əliyev tərəfindən uğurla davam etdirilir.

Natiqlər idmançılarımızın ciddi sınaq qarşısında olduqlarını vurğulayaraq, onların Bakıda keçiriləcək IV İslam Həmrəyliyi Oyunlarında uğurla çıxış edəcəklərinə əminliklərini bildiriblər. Diqqətə çatdırıblar ki, IV İslam Həmrəyliyi Oyunlarının Azərbaycanda təşkil olunması ölkə idmanı üçün böyük hadisədir. Respublikamızda mükəmməl idman infrastrukturu belə yarışların yüksək səviyyədə təşkil olunmasına imkan verir.

Çıxışlardan sonra mərasimdə Azərbaycanın dövlət himni səsləndirilib. Ardınca ilk günün final qarşılaşmaları keçirilib. Çəki dərəcələri üzrə ilk 3 yeri tutmuş idmançılar AGF tərəfindən müvafiq diplom, medal və pul mükafatı ilə təltif olunur, həmin güləşçilər ölkə yığma komandasının heyətinə cəlb edilir və il ərzində komandanın iştirak edəcəyi beynəlxalq yarışlarda ölkəmizi təmsil etmək imkanı əldə edəcəklər.

57 kq
FİNAL
Mahir Əmiraslanov (Neftçi İK) – Georgi Edişeraşvili (Atasport) 4:2
Bürünc medal görüşü
Cəlal Süleymanov (FHN İSK) – Əfqan Xaşalov (Zenit İC) 1:6
Gadisa Geriya (Atasport) – Pərviz İbrahimov (Abşeron, Neftçi İK) 0:4
1/2 final
Əfqan Xaşalov (Zenit İC) – Mahir Əmiraslanov (Neftçi İK) 1:5
Georgi Edişeraşvili (Atasport) – Pərviz İbrahimov (Abşeron, Neftçi İK) 4:1
1/4 final
Əfqan Xaşalov (Zenit İC) – Anar Baxışov (Sumqayıt, İOEUGİM)
Mahir Əmiraslanov (Neftçi İK) – Sübhan Muradov (Zenit İC)
Georgi Edişeraşvili (Atasport) – Mircəlal Həsənzadə (MOİK)
Bəybala Əzimli (Siyəzən) – Pərviz İbrahimov (Abşeron, Neftçi İK)

61 kq
FİNAL
Əli Rəhimzadə (DİN İC) – Hacı Əliyev (Abşeron, Neftçi İK) 0:11
Bürünc medal görüşü
Ruhlan Məmmədov (Gəncə TİM) – Ağabəy Ramazanov (Təhsil)
Qalib Əliyev (DİN İC) – Cahid Həsənzadə (Abşeron UGİM)
1/2 final
Ağabəy Ramazanov (Təhsil) – Əli Rəhimzadə (DİN İC)
Cahid Həsənzadə (Abşeron UGİM) – Hacı Əliyev (Abşeron, Neftçi İK) 0:10
1/4 final
Ağabəy Ramazanov (Təhsil) – Zəlimxan Vəliyev (MOİK) 4:3
Əli Rəhimzadə (DİN İC) – Azad İsmayılov (Qəbələ) 1*:1
Cahid Həsənzadə (Abşeron UGİM) – Kamran Fəttayev (Zenit İC) 2:0
Hacı Əliyev (Abşeron, Neftçi İK) – Qalib Əliyev (Gəncə, TİM) 10:4

65 kq
FİNAL
Məhəmməd Müslümov (Atasport) – Gitinomaqomed Hacıyev (Atasport) 3:0
Bürünc medal görüşü
Teymur Məmmədov (Azəri İK) – İmam Acıyev (Atasport) 4:3
Elvin Xıdırov (Təhsil İC) – Ağahüseyn Mustafayev (MOİK) 5:14
1/2 final
İmam Acıyev (Atasport) – Məhəmməd Müslümov (Atasport) 2:4
Gitinomaqomed Hacıyev (Atasport) – Ağahüseyn Mustafayev (MOİK) 12:2
1/4 final
İmam Acıyev (Atasport) – İsmayıl Qədəşov (Təhsil İC) 4:0
Məhəmməd Müslümov (Atasport) – Teymur Məmmədov (Azəri İK) 9:0
Gitinomaqomed Hacıyev (Atasport) – Elvin Xıdırov (Təhsil İC)
Coşqun Əzimov (MOİK) – Ağahüseyn Mustafayev (MOİK) 2:4

70 kq
FİNAL
Murtuz Müslümov (Atasport) – Ruslan Axmedov (Atasport) 7:0
Bürünc medal görüşü
Sədman Əmirov (Beyləqan) – David Suynuçxanov (Atasport) 0:10
Ruslan Dibirhacıyev (Atasport) – Hacımurad Ömərov (Atasport) 0:3
1/2 final
David Suynuçxanov (Atasport) – Murtuz Müslümov (Atasport) 1:1*
Ruslan Axmedov (Atasport) – Hacımurad Ömərov (Atasport) 8:2
1/4 final
David Suynuçxanov (Atasport) – Hidayət Həsənli (DİN İC) 7:0
Murtuz Müslümov (Atasport) – Sədman Əmirov (Beyləqan) 10:0
Ruslan Dibirhacıyev (Atasport) – Ruslan Axmedov (Atasport) 4:5
Asif Əliyev (Gəncə, TİM) – Hacımurad Ömərov (Atasport) 0:11

74 kq
FİNAL
Murad Süleymanov (Gəncə, TİM) – İsmayıl Abdullayev (Atasport) 11:0
Bürünc medal görüşü
Ziyad Sadiqov (Pəhləvan) – Abubakar Abakarov (Atasport) 4:5
Mircəfər Murtuzlu (Neftçi İK) – Əşrəf Əliyev (MOİK) 0:3
1/2 final
Abubakar Abakarov (Atasport) – Murad Süleymanov (Gəncə, TİM) 0:4
İsmayıl Abdullayev (Atasport) – Əşrəf Əliyev (MOİK) 5:2
1/4 final
Əmin Yari (Atasport) – Abubakar Abakarov (Atasport)
Ziyad Sadiqov (Pəhləvan) – Murad Süleymanov (Gəncə, TİM)
İsmayıl Abdullayev (Atasport) – Mircəfər Murtuzlu 12:2
Əşrəf Əliyev (MOİK) – Ravil Babazadə (Lənkəran) 4:0