“FCSB nəticəyə oynamağı bacaran kollektivdir”

Avropa liqasında əsas mərhələnin VII turu çərçivəsində keçirilən “Qarabağ” – FCSB (Rumıniya) matçından (2:3) sonra Ağdam təmsilçisinin baş məşqçisi Qurban Qurbanov mətbuat konfransında görüş barədə danışıb.

Allsport.az xəbər verir ki, 52 yaşlı mütəxəssis rəqibin uğurlu seriyasının olduğunu deyib:

“Əvvəlcə bu mövsüm Avropa liqasının bütün ev oyunlarında bizimlə bərabər olan azarkeşlərimizə təşəkkür etmək istəyirəm. Bugünkü matçda da sona qədər komandamıza inandılar. Qalib gələ bilərdik. Futbolda bəzən düşünmədiyin anlar olur ki, bu gün onu gördüm. Rəqib üç künc zərbəsindən üç qol vurdu. Komandamız bütün oyunlarda çox zəhmət çəkdi. FCSB isə nəticəyə oynamağı bacaran kollektivdir. Bəlkə də, avrokuboklarda ən uğurlu seriyalarını bu mövsüm keçirirlər”.