FİSA avarçəkənimizi dekabr ayının yüksələn ulduzu seçib

Beynəlxalq Akademik Avarçəkmə Federasiyası milli mandamızın üzvü Boris Yotovu dekabr ayının yüksələn ulduzu (“Rising star”) seçib. Allsport.az saytı məlumat verir ki, bununla bağlı FİSA-nın rəsmi saytında yazı və idmançının özü ilə blits-müsahibə yerləşdirilib. Xəbərdə deyilir:

“18 yaşlı Boris Yotov Azərbaycanın perspektivli avarçəkənidir. O, 2013-cü ildə yeniyetmələr arasında 1 nəfərlik qayıqla 2000 metr məsafəyə yürüşdə bürünc medal qazanıb. Bu il Yotov Yeniyetmələrin II Yay Olimpiya Oyunlarında 1 nəfərlik qayıqla gümüş medala sahib olub.

O, artıq yüksək səviyyəli idmançı olduğunu böyüklər arasında builki Avropa və Dünya Kubokunda 2 nəfərlik qoşa avarlı qayıqla yürüşdə gümüş medal qazanmaqla göstərib. Bu səbəblərdən FİSA Yotovu avarçəkmə dünyasında yüksəlişdə olan idmançı seçib”.