“Frank Çamizonu ancaq gəncəli uda bilərdi”

Milli gimnastika arenasında Avropa olimpiya təsnifatının sonuncu günündə sərbəst güləşçimiz Turan Bayramov (74 kq) yarımfinalda olimpiya mükafatçısı və 2-qat dünya çempionu Frank Çamizonu xalların keyfiyyətinə görə üstələdi (8:8). Allsport.az saytı xəbər verir ki, görüşdən sonra o mediaya açıqlama verdi:

“Bu yarışa ciddi hazırlaşmışdım. Bilirdim ki, bu sınaq Azərbaycandadır. O üzdən ikiqat ruhda köklənmişdim. Dünya çempionatında sona 3 saniyə qalmış lisenziyanı əldən verdim. Finalda italiyalı rəqibim çox güclü güləşçidir. Onu London olimpiadasında ancaq Toğrul Əsgərov udmuşdu, gəncəli. Frank Çamizonu ancaq gəncəli uda bilərdi”.