Fransada 1 qızıl, 2 bürünc medal

Fransanın Sen Loren du Var şəhərində çimərlik güləşi üzrə dünya seriyasının 3-cü mərhələsi keçirilib.

Allsport.az xəbər verir ki, ölkəmizi bu yarışda təmsil edən güləşçilərin hamısı medal qazanıb. İbrahim Yusubov (90 kq) çempion olub. Ramiz Həsənov (70 kq) və Oyan Nəzəriani (+90 kq) isə üçüncü yeri tutub.

Beləliklə, çimərlik güləşi üzrə millinin üzvləri dünya seriyasının 3-cü mərhələsində 1 qızıl və 2 bürünc medal əldə edib.

4-cü mərhələ 9-10 sentyabrda Rumıniyanın Konstanta şəhərində keçiriləcək.